Home صحة الرضيع تغذية الرضيع فى الشهر الرابع

تغذية الرضيع فى الشهر الرابع

0
0
80
11

تغذية الرضيع فى الشهر الرابع  طفلى بدا فى الشهر الرابع ازاى ياكل واية ممكن ياكلة وميضرش

معدتة موقعنا الاسرة والطفل حيعرفنا على اهم نقاط فى طريقة وكيفية تغذية الرضيع فى الشهر الرابع

تغذية الرضيع فى الشهر الرابع

تعرفى على كيفية تغذية الرضيع فى الشهر الرابع

1-لازم يبقى عندنا صبر واحنا بناكل ولادنا وقت الاكل بتاعهم مايكنش وارنا حاجة غيرهم وبس وعشان دة يحصل

تكونى محضرة كل حاجة بتاعتك من باليل مثلا انا بعمل الاكل بحضرة قبلها بيوم باليل يا دوب بسوى.

2-لازم نختار الوقت المناسب للتقديم الطعام للطفل ( يعنى مايكنش لسة راضع واجى اكلة لازم يبقى

جعان وافضل وقت يبقى يكون لسة صاحى من النوم.

3-في الاول هانبتدى ناكل من معلقة الى 2 معلقة كبيرة في اليوم من كل صنف لمدة يومين ولو ماحصلش

اى حساسية من الصف دة نبتدى الصنف اللى بعدة وهكذا….

وبعد كدة الاكل هابقى عبارة عن ثلاث وجبات في اليوم او من 4 او 5او 6 وجبات صغيرة في اليوم حسب

شهية طفلك .( كل طفل يختلف شهيته عن الاخر)

4-طب عشان يردوا ياكلو نعمل اية

اكتشفت طريقة بتخلى بنتى تاكل من غير عناء

اشغلها اغانى وفيديوا كليب على الكمبيوتر او التلفزيون واعلى الصوت اوى ولازم الاغانى تكون صاخبة

(يعنى تنزلى اغانى الاطفال عندك على الكمبيويتر بنتى بتحب شريط ناسى عجرم (يا بنات )بتموت فية

وكمان بتحب اغنية اجيبشن استيل اوى وهام النم .

او تغنلها او حد يبقى بيلعبها وانتى بتكليها او ممكن تاكليها في البلكونة اهم شىء يكونوا مركزين في حاجة

تانية غير الاكل. وبكدة ابنك او بنتك هيبقى مستنى وقت الاكل وهايكون فرحان .

5-ممنوع انك تغصبيهم على الاكل ممنوع ممنوع ممنوع كدة هايكرة الاكل ومش هايحبة وانتى بتاكلى اخد

معلقة او 2 او 3 ومارداش يكمل استنى عالية شوية ولعبية وجربى تانى او قومى غيرى المكان وجربى معاة

تانى او قومى اتمشى بية وجربى تانى لغاية مايخلص اكلة او تحسى انة شبع خلاص

تغذية الرضيع فى الشهر الرابع

6-مش معنى اننا بناكلهم يبقى نبطل الرضاعة الرضاعة شىء اساسى ومهم جدا جدا

7-اى كمية تفضل من الطعام وانتى بتاكلى طفلك تترمى عشان كدة تغرفى كمية بسيطة ولو احتاج تانى اديلوة

8-بداء من 6 شهور هابتدى اخلى الاكل سمكية اتقل بمعنى مش يبقى مفروم جامد عشان احضرها انها تاكل زينا قريب

9-ممنوع التحلية بالسكر او العسل او تمليح الطعام

10- ممكن بعد مانقدم للطفل صنف جديد من الطعام يجيلة مغص ودة شىء طبيعى

تغذية الرضيع فى الشهر الرابع

تغذية الرضيع فى الشهر الرابع

على قواعد تسوية الطعام ودة قواعد ثابتة

1-السلق

2- في الفرن

3-على البخار

1-السلق

ودية سهلة اوى بس لازم نعرف ازاى نسلق الطعام من غير مانفقد القيمة الغائية للطعام

اولا نجيب حلة كبيرة ويكون ليها غطا ونحط فيها ماء يادوب ياخد 2 سنتى من الحلة

ونسبهم يغلو ونحط فيهم الخضار او الفاكهة او الفراخ ويبعد دقيقتان على النار نقلب نغطى ونوطي النار ونخلى

بالنا كويس لاحسن الماء يتبخر كلة والاكل يتحرق و نقلب من ان لاخر ولو الماء تبخر قبل ما الاكل يستوى

يبقى لازم نزود ماء بسيط لغاية مايستوى

ولما تستوى نفتح الغطا ونسبها تبرد شوية وبعد كدة تهرس او تفرم فى الخلاطة بالماء اللى فيها عشان

فية كل الغذا اللى نزل من الخضار اول الفاكهة عشان كدة مابزودش الماية

وبعد كدة توزع فى قوالب الثلج تغطى وتحفظ بالفريزر حتى التجميد بعد كدة نطلع المكعبات ونحطها فى

الاكياس سهلة الغلق ونحفظها فى الفريزر ونطلع قبلها بيوم باليل قبل النوم المكعبات اللى هيكلها طفلك

وسعتها ممكن نعمل مكس بالطعام وكمان ممكن نخفف الاكل باللبن الثدى او اللبن الصناعى او سيريلاك

ارز او بماء المغلى .

2-التسوية فى الفرن

ودية مش محتاجة حاجة خالص

يا دوب ندخل الحاجة فى الفرن لغاية ماتستوى وخلاص فى حاجات بتحتاج تتغطى عشان الماء اللى

فيها مايتبخرش وتنشف وفى حاجات مش بتحتاج

ويتم اتباع نفس الطريقة اللى فوق فى الهرس والحفظ

3-على البخار

ودية بنحتاج فيها حلة البخار

او فى اختراع انا عملتة عشان مش عندى الحله

باجيب حلة واسعة واجيب الزجاجة بتاعة غلاية اللبن واحطها واملى الحلة بالماء لغاية الغلاية ماتكون تغطية حاجة

بسيطة واجيب طبق بايركس واحطة عاليها واحط الطعام اللى هاسوية فى الطبق البايركس

واغطى الحلة واخلى عينى عاليها لو الماية خلصت قبل الاكل مايستوى ازودها تانى بماء المغلى

وممكن بدل ماحط طبق بايركس احط مصفاة نوعها نظيف وسعتها ممكن محاتجش احط زجاجة الحليب

المهم الماية ماتوصلش للطعام وهى بتعلى

ويتم اتباع نفس الطريقة اللى فوق فى الهرس والحفظ

تغذية الرضيع فى الشهر الرابع

الكميات اللى هاسويها اد اية

انا من 4-6 شهور كنت بسوى يا دوب ربع كيلو وبعد كدة بقى نصف كليو

اما دلوقتى 6 شهور بعمل كيلو

وحجم الواجبة من 4 شهور الى 5 شهور كنت بديها 3 واجبات عبارة عن مكعب ثلج واحد = معلقة كبيرة وكنت

بخففة بشوية لبن طبيعى منى او لبن صناعى او ماء مغلى وشوية شوية بزود سمك الطعام مايبقاش خفيف اوى

واما لما تمت 5 ونصف ابتديت اديها الوجبة الواحدة 140 مللى او 120 مللى ثلاث مرات يعنى 2 مكعب ومضاف

عاليهم حاجة تانية او 3 او 4 مكعبات بدون تخفيف

او اقسم على 4 واجبات 100 مللى

وملحوظة

( مقدار الواجبة بختلف من طفل للتانى وحسب الوزن )

وبعد كل وجبة نقدم نشربهم ماء وبعد شوية كدة ممكن نرضعهم

مش هايرضعوا كتير بس يبلعوا الاكل

وممكن يرضوا يرضعوا وممكن لاة

ملحوظة:

ان كميتة الطعام سواء 100مللى او 120 او 140 تعتبر كمية لازم الطفل مايقمش غير لما يخلصها

كلها يعنى نتحايل عاليهم لغاية ماخلصها بس من غير عافية

اما لو الطفل رفض لانة شبعان خلاص

العيب عاليكى باءة مختارتيش الوقت المناسب

تغذية الرضيع فى الشهر الرابع وصفات اطعمه سهلة التحضير ومغذيه للاطفال

تعرفى على كيفية تغذية الرضيع فى الشهر الرابع
وصفة الشوفان بالموز
المكونات:
¼ كوب الشوفان مجروش
¾ كوب ماء
1 ملعقة طعام موز مهروس
التحضير
قومي بفرم الشوفان في الخلاط الكهربائي. بعد ذلك قومي بطهيه في وعاء نظيف من الماء. حركي باستمرار حتى لا يلصق لمدة 10 دقائق. اتركي الشوفان ليبرد قليلا، ثم أضيفي الموز المهروس. يمكنك إضافة القليل من الحليب المخصص للأطفال أو حليبك إذا رغبتك.

 

 

اعداد / أمل رجب

 

  • اللسان المربوط عند الرضع

    اللسان المربوط عند الرضع

    اللسان المربوط عند الرضع اللسان المربوط  ليس وراثة بل هو عرض ولة حل موقعنا الاسرة والطفل ح…
  • التهاب الاذن لدى الاطفال الرضع

    التهاب الاذن لدى الاطفال الرضع

    التهاب الاذن لدى الاطفال الرضع لازم كل ام تلاحظ طفلها اذا ظل يبكى ويمسك اذنة ويشدها طول ال…
  • استدرار وحفظ حليب الأم

    استدرار وحفظ حليب الأم

    استدرار وحفظ حليب الأم هذة العملية مهمة جدا للأم والطفل لانها بتساعد ان الطفل حتى فى عدم و…
Load More In صحة الرضيع

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

اهمية شرب زيت الزيتون للحامل

ما هى أهمية شرب زيت الزيتون للحامل ولماذا ينصح للحامل بتناول زيت الزيتون بشكل يومي على الر…