Home ديكور المنزل اسهل طريقة لرص النيش

اسهل طريقة لرص النيش

8 second read
0
0
405
اسهل طريقة لرص النيش

اسهل طريقة لرص النيش كل عروسة نفسها ترص النيش بتاعها بطريقة جميلة وفى نفس الوقت جديدة موقعنا الاسرة

والطفل حيعرفك اسهل طريقة لرص النيش بطريقة سهلة وجديدة فى نفس الوقت

اسهل طريقة لرص النيش

اسهل طريقة لرص النيش

يعتبر النيش هو عنوان رقة وشياكة العروسة لاهلها واهل زوجها واصدقائه وفى السنين الاخيرة ظهر اهتمام

بالغ من كل العرايس انه تعرف احدث رصات وترتيب النيش وفى كل سنة بيظهر موضات كتير لكيفية وضع

ورص النيش .

النهارده هنتفرج مع بعض على احدث واجمل طرق لترتيب ورص النيش لموضه 2014 الصور اللى هنتفرج

عليها مع بعض تناسب معظم دواليب النيش وعليكى سيدتى الاختيار مع ما يناسب شكل دولاب النيش –

هنتفرج مع بعض على ترتيب النيش والاطقم والصينى والكوبيات ويارب تنال اعجابكم.

اسهل طريقة لرص النيش

اولا طبعا لازم تفرشي بالمفارش اللي تبع مفرش السفرة

بيكون في مفارش مربعة صغيرة بتحطيه ويكون نازل منه جزء على شكل مثلث وطبعا بيكون المثلث

ده مطرز بتفرشيه في الوش وفي الجوانب كمان عشان تدي شكل جميل

ثانيا ترتيب الاطقم

حاولي وانتي بتشتري الاطقم متجبيش الوان كتير

يعني بلاش يبقى النيش عبارة عن كرنفال الوان عشان ميزغللش العين

وكمان هتلاقي صعوبه في تنسيقة خصوصا لو المفرش لونه مش لايق مع الطقم

يعني حاولي يبقى الاطقم على قد ماتقدري لون واحد او لونين بالكتير

يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني

حاولي يبقى الالوان ماشيه مع بعض وطبعا المفارش تكون ذهبي فاتح او بيج

ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر

او الازرق وده هيديكي انعكاس جميل جدا

طريقة الترتيب بقى طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي

وتكتري في الحاجه عشان جمال الاطقم هتروح

اسهل طريقة لرص النيش

وطبعا طقم الشاي بترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي

ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القوة اللي تبع

طقم الصيني طبعا عشان يبقو شكل واحد

واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل

وطبعا بيكون عندك طقم صواني للتقديم بتكون غير اللي بتستخدميها في المطبخ

ودي بتحطيها في الخلف زي السيرفيس كده اللي اتكلمت عنه من شويه

اما بالنسبه لشنطه الملاعق فليكي حريه الاختيار

ياما بتفتحيها وتحطيها زي ماهي

ياما وده الافضل انك تشيلي الملاعق منها وتضعيها في ادراج البوفيه

طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها

عشان شكل الملاعق ميبوظش

بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت

خالص بيكون في مكان متداري

طبعا لان ماينفعش ان الاطباق تبان في النيش

ولو عندك اي اطقم زياده من الكاسات او الشربات او قهوة والنيش اتملا خلاص

فممكن ترصيه جوة البوفيه زي مانتي عايزة

وممكن تحطي شويه اكسسوارات حوالين الاطقم لكن بلاش تكتري عشان مفيش احلي من البساطه

افكار لتنظيم النيش

اسهل طريقة لرص النيش

بالنسبة لترتيب البوفيه فهو يعتمد على الصينى والاكسسوارات الموجوده عندك وايضاً على تصميم البوفيه نفسه

بعض الافكار المساعدة لترتيب

1- تصنيف الصينى والاكسسوارات الموجوده عندك

2- فرش الارفف بمفارش تناسب ولون البوفيه

3- وضع الكاسات واطباق الخشاف الفاخرة فى جهة مع تزيزنها باكسسوارات مناسبة معها

4- اطقم الشاى وتوابعها تضعيها فى المكان الاوسع مع قلب الفنجان بداخل الطبق المخصص له

5- الشوك والملاعق او اذا كان عندك شنطة مخصصة لها ضعيها من اسفل مع طقم الصينى الكامل

6- طبعا الجزء الهام هو الطقم الكامل الصينى هذا ضعيه فى الجزء الاسفل مع ترتيبه بطريقة مناسبة والمساحة

ولاتنسى الاكسسوارات وزعيها بطريقة عشوائية تعطى لكِ شكل جمالى رهيب خاصة عندما يكون هذا

الجزء من البوفيه مصنوع من الزجاج

اسهل طريقة لرص النيش

أحتياجات النيش

اسهل طريقة لرص النيش

1)الأحتياجات الأساسية :

هذه الأحتياجات لابد من توافرهافي أي نيش مهما كان حجمه أوموديله.

مفارش النيش

مفارش صغيرة توضع أسفل الأشياء المرصوصة ويكون طرفها فقط هو الظاهر.من هذه المفارش الكروشية

و القماش المطرز والأورجنزةالمطرز(وهو الموضة) و السرمة( 12 مفرش ب 100جنيه مصري) وغيرها المهم

الخامة غير ناعمة حتى لا تسقط الأشياء من فوقها لهذا لا أفضل الستان ولا الحرير . وألونها متعددة أختاري

ما يناسب ذوقك والوان سفرتك والكاسات.

طقم الصيني

اسهل طريقة لرص النيش

اهم قطع النيش وكلما زاد عدد قطعه كان أفضل والبولندي والأيطالي هما افضل أنواع الصيني لكن سعرهما

عالي جدا يليهما الفرنسي ثم (وهو متوافر في مصر بكثره ) الألماني المصري وهو نوع جيد جدا يليه

الفلبيني والماليزي ثم الأطقم الصينيه(المصنوعة في الصين) وهي رخيصة جدا تتراوح بين 800 إلي 300 جنية مصري.

طقم الصيني يمكن أن يكون أبيض تماما أو منقوش فضي أو ذهبي (يجب الأحتراس والتأكد من أن الصيني

ملون بهذه الألوان فحسب ولا تدخله بالفعل أي مكونات من الذهب أو الفضة الحقيقيين لأن استخدام

أواني أو أدوات مائدة من الذهب أو الفضة حرام في الأسلام فأنتبهوا) أو ملون أحمر وأخضر ألخ.

كلما خف وزن الصيني وأمكنك رؤية يدك عبره في الضوءكلما كان أفضل فالصيني الثقيل رديء .

أختاري طاقمك بعناية وأحرصي على ان يكون رقيق وناعم بدون بهرجة يعبرعن ذوقك لأنه أول وأكثر

ما يلفت الانتباه في النيش.

الكاسات

هناك أنواع لا نهائيه من الكاسات و الأيطالي الأصلي هو أفضل وأغلى الأنواع لكن لا أنصحك بشراء الكاسات

كلها من هذا النوع. الكاسات تتعرض للكثر بسهوله أكثر مما يمكنك التخيل خاصة إذا زارك أطفال أو رزقت

بهم فيما بعد ؛لذلك أنصح ان تكون معظم الكاسات رخيصة حتى يمكن تعويضها بسهوله. أحرصي على

أقتناء ولو طقم كاسات واحد غالي الثمن للعزائم الفخمة للضيوف VIP أعني المهمين جدا.

إذا كان بأمكنك شراء عدد كبير من الكاسات فأختاري طقمين متشابهين لأستخدامهما في حالة وجود

أكثر من6 أشخاص .أما إذا كانت ميزانيتك لا تسمح بشراء أطقم كاسات كثيرة فيفضل التنويع ولا تقومي

بمسألة الطقمين هذه.

هناك ألوان للكاسات فمنها المذهب وهو أساسي ومنها المنقوش باللون الأبيض والملون بالأحمر

والأسود والأزرق وغيرها من الألوان (وهي الموضة الآن)ومنها السادة تماما.

يمكنك شراء طاقم من كل نوع ولا تكثري من المذهب إذا كان طقم الصيني مذهب لكن نوعي في الألوان.

اسهل طريقة لرص النيش

اسهل طريقة لرص النيش

طقم الشربات

واحد على الأقل شفشق وكوبياته ومن الممكن أن تستخدم كأكواب للماءعند تقديم الطعام لVIP.

صواني التقديم

هناك عدة موديلات لصواني التقديم وكذلك عدة خامات فمنها:الزجاجي (سهل الكسر وغيرعملي) والنحاسي

(يحتاج لعناية فائقة حتى لا يتجرح )والأستلس (عملي وقيم) والألومنيوم(ارخص نوع وعادة للمطبخ وليس للنيش)

والفضة(وهو حرام احترسي).

اختاريهاخفيفة لأنك ستحملين عليها كاسات وخلافه فيجب أن يكون وزنها خفيف لمصلحتك.جربي الأمساك

باليد قبل الشراء وتأكدي أن اليد متينه غير قابله للخلع وكذلك أن مقاسها مناسب ليدك حتي تستطيعي

حملها بأتزان.

اختاري النوع المناسب لك ماديا ولاحظي أنها نادرا ما ستستخدم لأنها أيضا لVIP.

شنطة الملاعق

أفخرها الألماني (غالي وغير متوفر في مصر) ثم الفرنسي والأيطالي وأخيرا الصيني(متوافر جدا)

ومنه الغالي(استلس)والرخيص (كروم).

الأستلس النقي هو الخامةالجيدة التي لا تؤدي لأي أعراض جانبية ولا تفقد لمعانها بمرور الزمن. الملاعق

المطلية بالذهب والفضة حرام في معظم الفتاوى لوجود حديث صريح بخصوصها.

2)الأحتياجات الفرعية:

وهي مايمكنك الأختيار بينها فمن الممكن شرائها كلها او بعضها أو عدم شرائها حسب الأمكانيات

المادية وحجم النيش:

طقم أركوبال

طقم شاي وطقم قهوة
طقم خشاف

طقم آيس كريم وفروت سلاط

طقم جيلي

طقم تقديم آخر

طقم فطار كامل

أطقم أكواب ماء مختلفة

طقم فيروز
طقم كاكاو

3)اكسسوارات النيش :

الشمعدنات الفضية(ليست محرمة لأنها ليست للأكل او الشرب وان كان هناك من كرهها لأنها نوع

من الأسراف والبذخ) والزجاجية الملونة وتعطي شكل أجمل للنيش ولكن لا تستخدم للشموع

وإلا تحطمت من الحرارة فلا تستخدم إلا كديكور وهناك أنواع عديدة أخرى .

الشموع

ممكن تكون الشموع الكبيرة ذات الأشكال المختلفة و الألوان المختلفة وتوضع بين الأطباق أو الصغيرة

الملونة التي تلقى بداخل الأطباق أوالكاسات السادة لتعطيها لون.

أي شيء ممكن يستخدم كديكور للنيش :

لوحات صغيرة لآيات قرآنية أو أدعية.

التماثيل الصغيرة التي على شكل أي كائن حي (حرام والله اعلم) أحزروا تماثيل الملائكة فهي (حرام).

عقود ملونة.
أوراق الزينه .
ورد مجفف.

كرات الكريستال العاكسة للضوء كرستلات على شكل قلوب او غيرها.

ألعاب الأطفال الصغيرة.

كل شيء صغير وجميل يصلح لتجميل النيش ويعتمد هذا على الذكاء والذوق.

اسهل طريقة لرص النيش ترتيب النيش المودرن

 

 

اعداد / أمل رجب

 

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Check Also

علاج الغازات عند الطفل

علاج الغازات عند الطفل اكبر مشكلة بتواجة كل ام المغص اللى بيخلى طفلى يصرخ من الالم موقعنا …